Tottenham missti niður unninn leik gegn PSV í Meistaradeild Evrópu í kvöld en útlitið var bjart um tíma.
Hirving Lozano kom heimamönnum Í PSV yfir eftir hálftíma leik en Lucas Moura jafnaði skömmu síðar.
Það var svo Harry Kane sem kom liðinu yfir í síðari hálfleik. Hugo Lloris markvörður liðsins var rekinn af velli seint í leiknum eftir heimskulega ákvörðun.
Luuk de Jong jafnaði fyrir PSV þegar lítið var eftir af leiknum og það gæti kostað Tottenham veru áfram í keppninni.
Tottenham er með eitt stig eftir þrjá leiki en Inter og Barcelona sem mætast í kvöld hafa sex stig.
Club Brugge og Monaco gerðu jafntefli á sama tíma.