Laust eftir klukkan fjögur í nótt var lögreglunni tilkynnt um mann sem var að valda ónæði í Úlfarsdal í Mosfellsbæ. Var hann að berja á hús í hverfinu þar sem hann kvaðst hvergi geta höfði sínu hallað. Var maðurinn vistaður í fangageymslu þar til rennur af honum.
Þetta kemur fram í dagbók lögreglu. Þar segir frá mörgum tilvikum í nótt þar sem ökumenn voru stöðvaðir grunaðir um akstur undir áhrifum áfengis eða fíkniefna.
Um tvöleytið í nótt var tilkynnt um mann að fara inn í bíl í miðbænum. Maður sem passaði við lýsinguna var handtekinn skömmu síðar. Eigandi bílsins staðfesti eftir skoðun að ekkert hefði verið tekið úr bílnum eða skemmt. Umræddur maður var færður á lögreglustöðina á Hverfisgötu. Voru teknar niður upplýsingar um hann og einnig tekið eitthvað af fíkniefnum sem fannst á honum. Maðurinn var síðan látinn laus.
Laust eftir klukkan tvö datt konu á höfuðið í Austurbænum og hlaut minniháttar meiðsl. Var hún flut á slysadeild til skoðunar. Á þriðja tímanum var síðan tilkynnt um ofurölvi stúlku fyrir utan skemmtistað í miðbænum. Var henni ekið heim.