Upp úr miðnætti var karlmaður handtekinn eftir líkamsárás í Hafnarfirði Var hann handtekinn fyrir að hafa ráðist með fólskulegum hætti á annan mann. Kona reyndi að tálma handtökuna og réðst á lögreglumann. Var konan líka handtekin. Lögreglumanninum varð ekki meint af árásinni en bæði maðurinn og konan gista fangageymslur lögreglu.
Þetta kemur fram í dagbók lögreglunnar. Þar segir einnig frá því að lögregla stöðvaði akstur þriggja ökumanna á höfuðborgarsvæðinu í gærkvöld vegna gruns um akstur undir áhrifum áfengis eða fíkniefna. Einnig var einn ökumaður stöðvaður sem ók sviptur ökuréttindum.
Nokkuð mörg útköll voru vegna ölvunar og hávaða af skemmtanahaldi fólks.