Albert Guðmundsson, leikmaður AZ Alkmaar, átti góðan leik í dag er liðið mætti Feyenoord í hollensku úrvalsdeildinni.
Albert fékk tækifæri í byrjunarliði AZ í dag og skoraði eina mark liðsins í 1-1 jafntefli. Hann var einnig valinn maður leiksins.
Albert gekk í raðir AZ frá PSV í sumar en hann fékk fá tækifæri í aðalliði PSV og þurfti að komast annað.
Guðmundur Benediktsson, faðir Alberts, birti skemmtilega færslu á Twitter síðu sína eftir leikinn í dag.
Þar birti Gummi Ben mynd af Alberti er hann var mjög ungur ásamt framherjanum Robin van Persie sem gerði það gott á Englandi með Arsenal og Manchester United.
Van Persie leikur í dag með Feyenoord í heimalandinu og áttust hann og Albert við á vellinum.
,,Þessir mættust í dag, annar þeirra skoraði,“ skrifaði Gummi Ben við myndina sem má sjá hér fyrir neðan.
Þessir mættust í dag, annar þeirra skoraði? #Gudmundsson #AZ #VanPersie #Eredivisie pic.twitter.com/TOK5OctYz7
— Gummi Ben (@GummiBen) 16 September 2018
