Ívar Benediktsson blaðamaður á Morgunblaðinu er ekki ánægður með hvernig Sara Björk Gunnarsdóttir og Gylfi Þór Sigurðsson hafa komið fram síðustu daga og vikur.

Bæði voru fyrirliða knattspyrnulandsliðanna í síðustu verkefnum. Sara þegar kvennalandsliðinu mistókst að koma sér á HM og Gylfi þegar Ísland fékk skelli gegn Sviss og Belgíu í Þjóðadeildinni.

Eftir að Ísland mistók að tryggja sig í umspil á HM gegn Tékklandi þá mætti Sara ekki í viðtöl við fjölmiðla. Sama gerðist svo síðasta þriðjudag þegar Ísland tapaði gegn Sviss á heimavelli, þá mætti Gylfi ekki í viðtöl við fjölmiðla.

,,Í tvígang á skömmum tíma hefur það gerst að fyrirliðar íslensku knattspyrnulandsliðanna hafa ekki staðið undir hlutverki sínu í kjölfar kappleikja. Hið fyrra var eftir landsleik Íslands og Tékklands
í undankeppni HM kvenna og hið síðara fyrr í vikunni að lokinni viðureign Íslands og Belgíu í knattspyrnu karla í Þjóðadeild UEFA,“ skrifar Ívar í pistli sínum sem birtist í Morgunblaðinu í gær.

,,Eftir báða leiki voru flestallirleikmenn landsliðanna fúsir tilviðtals þótt e.t.v. væru sumir ekki upplitsdjarfir og skal engan undra.Í bæði skiptin hafa fyrirliðarnir ekki viljað koma fram fyrir þjóðina í viðtölum við fjölmiðla. Báðir fengu að komast upp með þetta af hálfu Knattspyrnusambands Íslands. Á þriðjudagskvöldið fengu blaðamenn skilaboð talsverðu eftir leik um að fyrirliði karlaliðsins yrði alls ekki til viðtals. Fyrirliði landsliðs sem er svo harmi sleginn í leikslok yfir eigin frammistöðu eða liðsins að hann getur ekki sinnt hlutverki sínu sem talsmaður hópsins er ekki starfi sínu vaxinn. Honum á að skipta út. Fyrirliðastaða í landslið á aldrei að vera upp á punt.“