Á fundi Aga- og úrskurðarnefndar KSÍ 11. september 2018 var tekin fyrir greinargerð sem framkvæmdastjóri KSÍ sendi til nefndarinnar þann 4. september.

Fram kemur í greinargerðinni að málið varði ósæmilega framkomu Ólafs Jóhannessonar, þjálfara Vals í mfl. karla, í viðtali sem birtist þann 2. september 2018.

Var um að ræða opinber ummæli Ólafs sem eru að mati framkvæmdastjóra til þess fallin að skaða ímynd íslenskrar knattspyrnu og til þess fallin að draga heiðarleika dómara í leik KA og Vals í Pepsi-deild karla í efa.

Ákvað Aga- og úrskurðarnefnd KSÍ á fundi sínum að sekta Knattspyrnudeild Vals í ljósi alvarleika brotsins, um kr. 75.000,- vegna framangreindra opinberra ummæla Ólafs.

Ólafur ræddi við Stöð 2 Sport eftir leikinn en hann var mjög óánægður með að Einar Ingi Jóhannsson, Stjörnumaður, hafi verið á flautunni.