Borgarbókasafnið í Grófinni heldur upp á menningarnótt og býður borgarbúum upp á sannkallaða manga veislu frá kl. 13-19 þar sem haldið er upp á japanska menningu! Í boði verður fullt af skemmtilegum uppákomum fyrir bæði börn og fullorðna.
DAGSKRÁ
13-19 | Makoto Yukimura – sýning á Vínlands sögu
13-18 | Mangaþon – horfðu á mangaheim verða til
13-18 | Andlitsmálning og myndataka
13-18 | Ratleikur
13-16 | Flugdrekar – búðu til þinn eigin flugdreka
14-17 | Manga krakkar – lærið að teikna manga
15-18 | Manga andlitsmyndir – fáðu mynd af þér í mangastíl
16-17 | Japanskt letur – lærðu að skrifa nafnið þitt á japönsku
17-19 | Karókí
Nánar um viðburðina:
➡️ SÝNING MAKOTO YUKIMURA
Makoto Yukimura kemur og sýnir myndir úr mangaseríunni um Vínlands sögu. Þess má geta að sagan er til á Borgarbókasafninu bæði á ensku og á japönsku!
➡️ MANGAÞON
Íslenskir teiknarar taka þátt í „mangaþoni“ og spreyta sig á mangastílnum. Komið og fylgist með þeim skapa sinn eigin mangaheim.
Fyrirmynd, félag teiknara og myndhöfunda
➡️ ANDLITSMÁLNING OG MYNDATAKA
Í veröld manga búa margar kynjaverur. Vilt þú prófa að breyta þér í pokémon eða vinsæla sögupersónu úr manga? Við bjóðum upp á skrautlega búninga og skemmtilegar hárkollur. Komdu og taktu mynd af þér þar sem þú ert aðalpersónan í þínu manga ævintýri.
Leiðbeinandi: Elínborg Ágústsdóttir
➡️ RATLEIKUR
Margir leyndardómar búa í myndasögudeildinni og þar finnast ævintýrin mörg. Leyfðu þínum innri spæjara að leika lausum hala og ráða gátuna.
Umsjón: Guðrún Elísa
➡️ FLUGDREKAR
Þegar vindar blása er gaman að leika sér með fallega flugdreka. Jón Víðis töfrar fram litríka flugdreka með ykkar aðstoð.
Leiðbeinandi: Jón Víðis
➡️ MANGA KRAKKAR
Krökkum finnst ótrúlega gaman að teikna manga. Bára Ying sýnir yngri kynslóðinni leyndadóma mangastílsins og kennir ykkur að teikna uppáhaldspersónuna þína.
Leiðbeinandi: Bára Ying
➡️ MANGA ANDLITSMYNDIR
Villimey dregur fram „þinn innri manga“ og teiknar af þér andlistmynd þar sem þitt rétta eðli gæti afhjúpast!
Leiðbeinandi: Villimey Sigurbjörnsdóttir
➡️ JAPANSKT LETUR
Hvernig skrifarðu nafnið þitt á japönsku? Japanska sendiráðið kemur og kennir okkur japanskt letur!
➡️ KARÓKÍ
Japanir eru þekktir fyrir skemmtilegustu karókípartíin! Láttu ljós þitt skína og syngdu þitt uppáhaldslag. Það verður mangað stuð!
Dagskráin er hluti af Manga-hátíð í Reykjavík sem Borgarbókasafnið, Norræna húsið, Fyrirmynd, Japanska sendiráðið og námsgrein í japönsku við Háskóla Íslands standa að.
