Alex Song, fyrrum leikmaður Arsenal og Barcelona, hefur fundið sér nýtt lið eftir tveggja ára dvöl í Rússlandi.

Ferill song hefur verið á niðurleið síðustu ár eftir að hafa verið hjá Barcelona í fjögur ár þar sem tækifærin voru fá.

Song var fyrir það á mála hjá Arsenal þar sem hann spilaði 138 deildarleiki á sex árum.

Song var síðast á mála hjá Rubin Kazan í Rússlandi en lék aðeins 22 deildarleiki á tveimur árum.

Kamerúninn hefur nú gert samning við lið FC Sion í Sviss en hann skrifaði undir til ársins 2020.

Sion leikur í svissnensku úrvalsdeildinni og hafnaði í sjötta sæti deildarinnar á síðustu leiktíð.