Petr Cech var nokkuð óvænt í marki Arsenal í gær er liðið tapaði 2-0 fyrir Manchester City í fyrstu umferð ensku úrvalsdeildarinnar.
Búist var við að nýi maðurinn Bernd Leno yrði í marki Arsenalæ en hann kostaði 20 milljónir punda frá Bayer Leverkusen í sumar.
Cech segir þó að það sé ekki klárt að hann verði markvörður númer eitt í allan vetur en Unai Emery hefur ekkert tjáð þeim enn sem komið er.
,,Þjálfarinn hefur ekki sagt mér að ég sé núna markvörður númer eitt. Mér var bara sagt að ég myndi spila gegn Manchester City,“ sagði Cech.
,,Þetta er undir mér komið, hversu vel ég spila. Þetta var áskorun og ég er ánægður með að fá sénsinn en það er ekkert komið á hreint.“
,,Við viljum allir vera í byrjunarliðinu og berjumst um það sæti. Ef þú spyrð Bernd þá segir hann það sama. Hann mun halda áfram að berjast og ég mun reyna að halda sætinu.“
