Gylfi Þór Sigurðsson, leikmaður Everton á Englandi, mun klæðast treyju númer tíu á næstu leiktíð.
Þetta staðfesti Everton í dag en Gylfi klæddist treyju númer 18 á síðustu leiktíð eftir komu frá Swansea.
Wayne Rooney var hjá Everton er Gylfi kom og notaði hann treyju númer tíu sem Gylfi notar hjá íslenska landsliðinu.
Rooney er hins vegar farinn frá Everton en hann skrifaði undir samning við DC United fyrr í sumar.
Gylfi fær því treyju Rooney en eins og áður sagði þekkir hann númerið vel og notar það með íslenska landsliðinu.
