Manchester City í ensku úrvalsdeildinni hefur fest kaup á varnarmanninum Philippe Sandler.
Þetta staðfesti félagið í dag en Sandler kemur til Manchester frá liði PEC Zwolle í hollensku úrvalsdeildinni.
Sandler er 21 árs gamall hafsent en hann er uppalinn hjá Ajax og samdi við Zwolle fyrir tveimur árum.
Síðan þá lék leikmaðurinn 30 aðalliðsleiki fyrir félagið en hann vakti athygli stærri liða í Evrópu.
Líklegt þykir að City láni leikmanninn annað í vetur en hann kostaði félagið 3 milljónir evra og gerir fjögurra og hálfs árs samning.
