Zlatko Dalic, þjálfari króatíska landsliðsins, segir að hann sé ekki að fá nógu vel borgað fyrir það að vera næst besti þjálfari heims.

Dalic og Króatía komust í úrslitaleik HM í sumar en Króatar þurftu að sætta sig við 4-2 tap gegn Frökkum í úrslitum.

Dalic er opinn fyrir því að vera áfram og hikar ekki við að segja það að hann sé einfaldlega næst besti stjóri heims á eftir Didier Deschamps, þjálfara Frakklands.

,,Hvort sem ykkur líkar það eða ekki þá er ég næst besti þjálfari heims,“ sagði Dalic við Vecernji list.

,,Að fá fimm milljónir punda á ári sem næst besti þjálfari heims er of lítið! Peningar skipta máli fyrir alla en fyrir mig þá er það ekki það sem hvetur mig áfram.“

,,Ég á tvö ár eftir af mínum samningi og ég gæti haldið áfram í þessu starfi í það langan tíma.“