Liverpool festi kaup á markverðinum Alisson Becker en hann kemur til félagsins frá Roma á Ítalíu.
Alisson er nú dýrasti markvörður sögunnar en hann kostar enska félagið 67 milljónir punda.
Alisson var mjög eftirsóttur í sumar en hann lék með brasilíska landsliðinu á HM og var markvörður númer eitt.
Jurgen Klopp, stjóri Liverpool, hefur nú staðfest það hvenær nýi maðurinn muni spila sinn fyrsta leik fyrir þá rauðu.
Alisson er enn í fríi eftir keppni á HM en Klopp hefur staðfest það að hann verði í markinu er Liverpool mætir Napoli í æfingaleik þann 4. ágúst næstkomandi.
