Liverpool á Englandi gat keypt markvörðinn Alisson Becker fyrir tveimur árum fyrir aðeins fjórar milljónir punda.
The Sunday Mirror greinir frá þessu í kvöld en Alisson var þá að reyna að finna sér nýtt lið eftir dvöl hjá Internacional í Brasilíu.
Liverpool var boðið að kaupa leikmanninn á 3,1 milljónir punda en sú upphæð myndi svo hækka upp í fjórar milljónir.
Liverpool hafði ekki áhuga á þeim tíma og ákvað Roma að nýta sér tækifærið og tryggði sér þjónustu leikmannsins.
Alisson stóð sig frábærlega á Ítalíu og var á dögunum keyptur til Liverpool fyrir 67 milljónir punda.
Alisson varð í kjölfarið dýrasti markvörður sögunnar en hann tekur þann titil af Ederson, landa sínum hjá Manchester City.
