Sean Dyche, stjóri Burnley, talar gríðarlega vel um vængmanninn Jóhann Berg Guðmundsson.

Jói Berg sneri aftur til æfinga hjá Burnley á dögunum og skoraði í æfingaleik gegn Macclesfield á föstudag.

Dyche var mjög hrifinn af frammistöðu okkar manns sem spilaði auðvitað á HM í sumar.

,,Hann leit ótrúlega vel út. Hann þarf bara aðeins að ‘fylla á toppinn’ og slípa sig til,“ sagði Dyche.

,,Við vorum að passa okkur á föstudaginn og vorum skynsamir því hann var að snúa aftur í þessari viku en hann leit vel út og sýndi gæðin sín enn eina ferðina.“

Jói fékk ekki langan tíma í frí eftir HM og var Dyche spurður út í hvort það myndi hafa áhrif í vetur.

,,Hver veit? Það er mikið talað um það en ég held að á einu tímabili þá spilaði Frank Lampard 66 leiki og lék í Meistaradeildinni og hann leit ágætlega.“

,,Það er hægt að fylla hausinn á fólki af alls konar hlutum þegar þau þurfa ekki á því að halda. Hann er að þróast í mjög góðan leikmann og veit hvernig á að sjá um sjálfan sig.“