Jurgen Klopp, stjóri Liverpool, tjáði sig um félagaskipti Paul Pogba á sínum tíma er hann var keyptur til Manchester United á 100 milljónir punda.
Klopp sagði þá að hann væri öðruvísi en aðrir og að hann myndi ekki eyða svo miklu í leikmenn jafnvel þó hann gæti það.
Klopp hefur nú keypt Virgil van Dijk á 75 milljónir punda og markvörðinn Alisson á 67 milljónir punda. Skoðun hans hefur því aðeins breyst.
,,Er ég búinn að breyta um skoðun? Já, það er betra að breyta um skoðun en að hafa enga skoðun,“ sagði Klopp.
,,Það skipti ekki máli hvaða kjaftæði þú segir, enginn mun gleyma því. Það er enn smá til í því sem ég sagði.“
,,Ég gat ekki ímyndað mér að fótboltaheimurinn myndi breytast svona. 100 milljónir punda var ótrúleg tala en síðan þá hefur heimurinn breyst.“
,,Við keyptum dýrasta markvörð sögunnar og svo munu aðrir gera góð kaup.“
