Það gekk mikið á hjá portúgalska liðinu Sporting Lisbon á síðustu leiktíð en stuðningsmenn félagsins voru æfir yfir því sem gekk á.

Ráðist var á meðal annars á leikmenn á æfingasvæði félagsins og meiddist framherjinn Bas Dost nokkuð illa í árásinni.

Dost ákvað fyrr í sumar að rifta samningi sínum við Sporting eftir ða hafa skorað 61 deildarmark í 61 leikjum fyrir liðið.

Sporting reyndi og reyndi til að fá Dost til að vera um kyrrt og hefur það nú tekist.

Dost skrifaði í dag undir þriggja ára samning við Sporting eftir að hafa fengið loforð um að öryggi leikmanna yrði í fyrirrúmi á næstu leiktíð.

,,Ég er ekki hræddur, þeir sannfærðu mig um það að þeir myndu tryggja öryggi leikmanna betur,“ sagði Dost eftir undirskriftina í dag.