Jurgen Klopp, stjóri Liverpool, var í miklu basli með að sannfæra miðjumanninn Jordan Henderson um að taka sér frí eftir HM í Rússlandi.

Henderson vildi snúa aftur til æfinga hjá Liverpool eins fljótt og hægt er en Klopp sagði sínum manni að taka sér gott frí eftir HM.

,,Það var mjög erfitt að sannfæra hann um að hann þyrfti aðfara í frí. Ég vissi að þetta myndi gerast, ég sagði að þetta væri klikkun við hann í síma,“ sagði Klopp.

,,Jordan þarf að fara í frí svo hann geti snúið aftur fimmta ágúst. Dejan Lovren hélt partí í Króatíu og spilaði svo degi seinna en Henderson, hann kemur því aftur sjötta ágúst.“

,,Það þýðir að þeir ná fimm æfingum eftir þriggja vikna frí. Ég vona að við þurfum ekki að hugsa um að nota þá í fyrsta leik.“