Króatíska landsliðið spilar stórleik á miðvikudag er liðið mætir Englandi í undanúrslitum HM í Rússlandi.

Króatía sló Rússland úr keppni á dögunum í 8-liða úrslitum en Króatar höfðu betur í vítakeppni.

Króatísku leikmennirnir mættu á æfingu fyrir leikinn í dag en þrjár stjörnur létu ekki sjá sig.

Markvörðurinn Danijel Subasic og varnarmennirnir Sime Vrsaljko og Dejan Lovren mættu ekki á æfingu í dag.

Subasic er að glíma við smávægileg meiðsli aftan í læri og er óvíst með þátttöku hans gegn Englandi.

Talið er að Vrsaljko spili ekki í leiknum en að Lovren muni vera klár þó að það sé ekki staðfest að svo stöddu.