Jóhann Berg Guðmundsson spilaði með íslenska landsliðinu í kvöld sem mætti Króatíu í riðlakeppni HM.

Ísland sætti sig við 2-1 tap gegn sterku liði Króata og þýðir það að okkar strákar eru úr leik í keppninni.

Færanýting íslenska liðsins varð liðinu að falli segir Jói Berg en liðið skoraði tvö mörk í þremur leikjum riðlakeppninnar.

,,Ég er gríðarlega svekktur. Þó við höfum tapað þessum leik þá vorum við gríðarlega nálægt þessu og fengum fullt af færum sem við venjulega klárum,“ sagði Jói Berg.

,,Þetta mót hefur ekki dottið með okkur. Fyrsti leikurinn var fínn en eins og Nígeríuleikurinn spilaðist ekki nógu vel og ekki þessi heldur. Það vantaði herslumuninn.“

,,Aðalatriðið sem fellur okkur á þessu móti er að skora ekki nóg af mörgum. Í dag hefðum við átt að skora fleiri mörk. Skalli í slá og fullt í gangi en við töluðum um það fyrir leik að gefa allt í þetta og við gerðum það.“

,,Þetta hefur gengið vel með okkur undanfarin ár, við höfum spilað vel og eins og þú segir hefði þetta kannski dottið fyrir nokkrum árum en það gerði það ekki núna. Það er svekkjandi að hafa ekki komist áfram. Argentína 2-1 og okkur hefði dugað 2-1.“

,,Það er erfitt að tala um þetta núna. Maður veit ekki alveg hvað á að segja, við skorum bara ekki nógu mörg mörk sem er svekkjandi.“