Hörður Snævar Jónsson skrifar frá Volgograd:
Aron Einar Gunnarsson fyrirliði íslenska landsliðsins og Heimir Hallgrímsson þjálfari liðsins voru beðnir um að lýsa íslenska landsliðinu í einu orði.
Hvað er það sem einkennir íslenska landsliðið og gerir það svona gott?
,,Lið,“ sagði Heimir Hallgrímsson og átti þá við að það væru allir að gera sitt fyrir liðið.
Aron tók í svipaðan streng, svaraði með einu orði og útskýrði svo mál sitt.
,,Samstaða, það er það sem við þurfum til ná í úrslitum. Þegar allir róa í sömu átt, þá er allt hægt. Við verðum að halda í okkar gildi, við gerum það vel. Við verðum að halda áfram.“
