Hörður Snævar Jónsson skrifar frá Rússlandi:

Kári Árnason varnarmaður Íslands var síðasti leikmaður íslenska landsliðsins til að opna Instagram síðu sína. Kári opnaði hana nú eftir leikinn gegn Argentínu og stefnir á þúsund fylgjendur í lok móts.

Íslenska landsliðið er mjög meðvitað um alla þá athygli sem er á liðinu og segir Kári að leikmenn lesti mest af því sem er skrifað.

Smelltu hér til að fylgja Kára á Instagram

,,Ég ætla ekkert að ljúga að því að við séum alveg clueless á hótelinu, það lesa þetta allir. Sérstaklega Rúrik, hvað allir eru hrifnir af honum,“ sagði Kári en Rúrik er orðinn heimsfrægur eftir leikinn við Argentínu.

,,Hann er orðinn svolítið stór, nei nei. Ég er bara ánægður að það sé einhver að fylgjast með honum.“

Kári ákvað að opna Instagram síðu sína á dögunum en af hverju?

,,Maður þarf að taka þátt í þessu, ég er kominn með 500 fylgjendur. Markmiðið er að fá þúsund fylgjendur.“

Smelltu hér til að fylgja Kára á Instagram

,,Ég er ánægður fyrir hönd þeirra leikmanna sem eru að fá mestu athyglina, vonandi ná þeir að gera eitthvað gott úr þessu. Þetta er þannig heimur að eftir því sem meiri athygli er á þér, því meiri líkur eru á að þú fáir stórt lið. Vonandi ná þeir að gera eitthvað úr þessu.“

Meira:
Kári Árnason um mikilvægi þessa að fá frídaga á HM – ,,Það er frábært að hafa tíma í þetta“