Hörður Snævar Jónsson skrifar frá Rússlandi:
,,Endurheimtin hefur gengið vel eftir Argentínu, við fengum frí í gær og það var rólegt daginn eftir leik. Ég held að við séum allir að koma,“ sagði Kári Árnason varnarmaður Íslands í samtali við fjölmiðla í dag.
Íslenska liðið tekur í dag sína fyrstu fullu æfingu eftir leikinn við Argentínu. Nú hefst formlegur undirbúningur fyrir leikinn við Níeríu.
,,Ég er búinn að sjá smá úr leiknum, maður þarf að skoða þetta aðeins betur hvað hefði gekk vel og hvað hefði mátt betur fara. Við viljum aldrei fá á okkur mark, Aguero klárar þetta samt frábærlega. Þetta var nokkuð gott, þeir sköpuðu fá færi. Við fengum betri færi, þeir fengu skotfæri fyrir utan teig.“
Liðið fékk góðan frídag í gær sem Kári segir afar mikilvægt. ,,Það er mjög mikilvægt að fá frídag, það er mikið álag. Það er frábært að við höfum tíma í þetta, hvort það verði eftir Króatíu leikinn er ég ekki viss um. Það er mjög gott að jafna sig almennilega áður en maður fer á fullt í undirbúning fyrir næsta leik.“
Viðtalið er í heild hér að neðan.