Rúnar Alex Rúnarsson, markvörður Íslands, hefur skrifað undir fjögurra ára samning við Dijon í Frakklandi.
Þetta var staðfest nú í dag en Rúnar er þessa stundina í Rússlandi með íslenska landsliðinu á HM.
Þessi 23 ára gamli leikmaður kemur til Dijon frá Nordsjælland í Danmörku þar sem hann var aðalmarkvörður.
Þetta eru gríðarlega stór skipti fyrir Rúnar en Dijon leikur í efstu deild í Frakklandi og hafnaði í 11. sæti deildarinnar á síðustu leiktíð.
Rúnar mun berjast við þá Benjamin Leroy og Baptiste Reynet um spilatíma í marki Dijon en þeir koma báðir frá Frakklandi.
