Hörður Snævar Jónsson skrifar frá Rússlandi:
Freyr Alexandersson, landsliðsþjálfari kvenna er algjör lykilmaður í teyminu í kringum karlalandsliðið.
Freyr sér um að leikgreina andstæðinga Íslands og er yfir öllum þeim gögnum. Hann er mikil hjálp við teymið sem er í kringum strákana.
Freyr hafði leikgreint Argentínu en sat svo í stúkunni í gær með sjónvapr fyrir framan sig og tölvu. Dagur Sveinn Dagbjartsson sat svo með honum.
Freyr talar svo við menn á varamannabekknum og kemur upplýsingum um það sem ekki sést af hliðarlínunni.
,,Það er erfitt að vera í stúkunni, ég get sagt það sem ég vil þegar það er ekki kveikt á míkrafóninum og dómarinn segir ekkert og fjórði dómarinn ekki í andlitinu á mér. Stundum er erfitt að ná sambandi strax niður, þið vitið hvernig ég er. Ég vil ná sambandi strax, það gerir mann stressaðan. Þetta gekk vel í gær,“ sagði Freyr.
Freyr sat fyrir ofan íslensku fréttamennina sem heyrðu afar vel í honum, hann lifði sig inn í leikinn.
,,Ég tala við Gumma (Guðmund Heiðrsson, markvarðarþjálfara) og Helgi (Helgi Kolviðsson, aðstoðarþjálfari) er með Ipad þar sem ég get sent myndir, ekki nein myndbönd. Gummi tekur eyrað og Helgi sér í tölvu og þeir fara með til Heimis.“
