Það er útlit fyrir það að Keflavík ætli að kveðja Pepsi-deildina snemma í sumar en liðið mætti KR á heimavelli í níundu umferð í kvöld.
Keflavík var án sigurs með þrjú stig fyrir leik kvöldsins og það varð alls engin breyting á því er liðið mætti KR.
KR var miklu sterkari aðilinn í leik kvöldsins og vann að lokum sannfærandi 4-0 sigur en staðan var orðin 2-0 eftir fimm mínútur.
FH vann einnig góðan sigur á sama tíma en liðið fékk Víking Reykjavík í heimsókn á Kaplakrikavöll.
Steven Lennon kom FH yfir snemma leiks úr vítaspyrnu áður en Jónatan Ingi Jónsson bætti við tveimur í 3-0 sigri heimamanna.
Sam Hewson sá svo um að tryggja Grindavík sigur í Grafarvogi er liðið vann 1-0 sigur á heimamönnum í Fjölni.
Keflavík 0-4 KR
0-1 Björgvin Stefánsson(2′)
0-2 Andre Bjerregaard(5′)
0-3 Pablo Punyed(36′)
0-4 Pálmi Rafn Pálmason(73′)
FH 3-0 Víkingur R.
1-0 Steven Lennon(víti, 15′)
2-0 Jónatan Ingi Jónsson(23′)
3-0 Jónatan Ingi Jónsson(70′)
Fjölnir 0-1 Grindavík
0-1 Sam Hewson(84′)
