,,Ég held að þessi ró komi út af EM,“ sagði Hörður Björgvin Magnússon bakvörður íslenska landsliðsins í samtali við 433.is í dag.

Hörður og félagar eru afar rólegir þó nú séu aðeins tveir dagar í fyrsta leik liðsins á HM.

Liðið ferðast til Moskvu í dag og tekur æfingu á keppnisvellinum á morgun en liðið mætir Argentínu á laugardag.

Moskva verður brátt heimili Harðar en hann er að ganga í raðir CSKA Moskvu frá Bristol á Englandi.

,,Þetta er langt komið, það er pappírsvinnna eftir. Þetta skýrist á næstu dögum, ég er alltaf spenntur. Það er gott að vera kominn til Rússlands og sjá hvernig þetta er,“ sagði Hörður.