Leicester City hefur fest kaup á varnarmanninum Jonny Evans en hann kemur til liðsins frá West Bromwich Albion.
Evans hefur undanfarin þrjú ár spilað með West Brom en var áður á mála hjá Manchester United.
West Brom féll úr efstu deild á síðustu leiktíð og mátti Evans því fara fyrir rúmlega þrjár milljónir punda.
Leicester nýtti sér þá klásúlu og keypti Evans sem á að baki yfir 200 leiki í efstu deild.
Evans er annar leikmaðurinn sem Leicester fær í sumar en hinn er bakvörðurinn Ricardo Pereira.
