Ray Parlour, fyrrum leikmaður Arsenal, telur það ekki líklegt að Unai Emery vinni deildina með liðið á næstu leiktíð.
Emery tók við Arsenal í sumar af Arsene Wenger en Arsenal hefur ekki unnið deildina í heil 14 ár.
,,Ég myndi elska það ef það myndi gerast en ég er á því máli að það gerist ekki,“ sagði Parlour við TalkSport.
,,Ég tel að Manchester City muni halda áfram að bæta sig og að Pep Guardiola verði þar áfram.“
,,Ég get ekki séð hvaða lið ætla að veita þeim samkeppni. Það verður mikilvægt fyrir Arsenal að komast í topp fjóra.“
