Ómar Einarsson hefur ekki undan að svara tölvupóstum og símtölum frá fólki sem vill koma á framfæri fréttaskotum. Ómar hefur þó ekkert við slíkar ábendingar að gera þar sem hann starfar ekki sem fjölmiðlamaður.
Í viðtali við Eirík Jónsson segist Ómar loksins hafa leyst gátunum um hvers vegna hann fái sífellt send fréttaskot. „Ég er að fá pósta og símtöl nánast daglega með ábendingum um fréttir sem fólk vill láta taka fyrir,” segir Ómar en hann er eigandi vinnuvélafyrirtækisins Kveikur. Fréttaskýringaþáttur RÚV heitir því sama nafni.
„Fyrst í í stað skildi ég ekkert í þessum ábendingum öllum en svo rann upp fyrir mér ljós. Ríkisútvarpið tók nafn fyrirtækis míns og lógó þeirra er mjög líkt mínu. Sérstaklega því eldra sem var svona svart/hvítt og brotið eins og hjá þeim,“ segir Ómar.
