Garth Crooks sérfræðingur BBC fer ekki fögru orðum um Jurgen Klopp stjóra Liverpool.
Klopp gekk hart fram eftir 2-2 jafntefli liðsins gegn West Brom á laugardag. Þar fór stjórinn að kvarta undan vellinum. ,,Ég var ekki nánægður með völlinn, hann þornaði bara upp. Þeir ákváðu að vökva hann ekki í hálfleik,“ sagði Klopp.
Hann sagði líka að þetta myndi henta West Brom vel á næstu leiktíð þar sem liðið væri að falla í næst efstu deild.
Crooks er ekki ánægður með Klopp. ,,Það að Klopp fari að kenna þurrum velli um það að liðið hans hafi tapað niður tveggja marka forskoti er eins sorglegt og það gerist,“ sagði Crooks.
Liverpool var 2-0 yfir en fékk á sig tvö mörk en Klopp dreyfði álagi á sína leikmenn vegna Meistaradeildarinnar.
