Ég ætla að biðjast afsökunar fyrirfram að hafa notað erlent orð í upptöku á Kiljunni í dag – á degi íslenskrar tungu.

Þátturinn verður sýndur annað kvöld.

Orðið er grafómanía – þýðir ritæði.

Þegar ég fletti Bókatíðindum er ég ekki alveg frá því að þessi litla þjóð sé með snert af þessu.

Mér varð reyndar líka hugsað til þess í gær þegar ég var á biðstofu lækna og virti fyrir mér alls konar tímarit sem hér eru gefin út.

Og öll blöðin og bloggið.

Við erum náttúrlega á heimsmælikvarða í mörgu, en ætli sé nokkur þrjú hundruð þúsund manna hópur í heiminum sem sendir frá sér jafn mikið af rituðu máli.

Og það á tungumáli sem enginn annar getur lesið.