Eitt sinn var (ó)fríður flokkur Íslnandsóvina.

Þeir voru þar helstir Svíinn Kurt Wadmark sem gerði allt til að hrella íslenska handknattleiksmenn, Filippseyingurinn Florencio Campomanes sem unni sér ekki hvíldar við að gera Friðriki Ólafssyni lifið leitt og kanadíski grænfriðungurinn Paul Watson sem sökkti íslenskum hvalbátum.

Síðan höfum við upplifað Gordon Brown og George Bush sem kallaði burt Bandaríkjaher héðan og um tíma voru þeir óvinsælir sem spáðu hruni íslenska efnahagslífisins, þeim var líkt við sjálfan Blefken, óvin Íslands númer eitt fyrr og síðar – en við höfum eiginlega ekki átt óvini af þessu kalíberi í seinni tíð.

Fyrr en nú að birtist þessi maður.

Tony Pulis, þjálfari Stoke í fótboltanum – sem er algjörlega einbeittur í því að halda Íslendingum á bekknum og niðurlægir þá á alla lund.