Það er togastreita milli bankanna og ríkisstjórnarinnar um hvernig eigi að taka á skuldamálum heimilanna. Ríkisstjórnin bendir á bankana og bankarnir benda á ríkisstjórnina. Í raun er þetta sorglegt, bankarnir voru komnir á hnén, en svo var ákveðið að endurreisa þá í nánast óbreyttri mynd. Það er að koma á daginn að þetta voru mikil mistök.

Þessi togstreita tekur á sig ýmsar myndir. Pressan er í dag með miklar innanhúsupplýsingar úr Arionbanka um hvernig hann hafi ætlað nánast að bjarga skuldurum þessa lands upp úr feninu – en Jóhanna Sig hafi ekki haft áhuga

Lesandi síðunnar sendi eftirfarandi nótu vegna þessa:

„Þessi frétt á augsýnilega að fegra Arionbanka í debatti þessara daga.

Ekki kann ég nú utanað hvaða eignar- og samskiptatengsl eru á milli VÍS, eins aðaleiganda Pressunnar, og Arion. En náin eru þau tengslin, VÍS býður viðskiptavinum sínum vildarkjör ef þeir eru hjá Arionbanka og Arionbanki býður sínum kúnnum að tryggja hjá VÍS. Þetta má auðvitað rekja lengr aftur í tímann, þegar einn banki og eitt tryggingafélag rugluðu saman reitum sínum – og þannig er þetta reyndar ennþá.

En dálítið lyktar hún einkennilega þessi frétt í ljósi upplýsinga gærdagsins um eignarhald VíS í Pressunni .“