Það er mikið talað um tengsl ESB umsóknar og Icesave.

Staðreyndin er samt sú að Icesave þarf að ljúka hvort sem horft er til ESB eða ekki. Icesave fer ekkert.

Líklega mun aftur verða reynt að finna lausn á málinu í síðla sumars eða í haust.

Menn hafa velt því fyrir sér hvort auðveldara verði að eiga við nýjar ríkisstjórnir í Bretlandi og Hollandi. Það er þó ekkert sem bendir til þess. Málið er aðallega á könnu embættismanna sem munu líklega fylgja þeirri stefnu sem þegar hefur verið mörkuð.

Það er þá spurningin um vexti og hvernig greiðslum Íslendinga verður háttað.

Hvað gerist þá á Íslandi? Fáum við enn eina Icesave-hrinuna, þá fjórðu ef ég man rétt. Verður hægt að ná einhverri samstöðu, eða verða aftur átök í þinginu – hugsanlega með tilheyrandi inngripum Ólafs Ragnars Grímssonar?

Verður samfélagið aftur undirlagt af Icesave?