Bandaríski rithöfundurinn Barbara Ehrenreich verður í viðtali hjá mér í Silfrinu á morgun – að loknu kosningauppgjörinu. Þetta er einn merkilegasti gestur sem ég hef fengið í þáttinn.Hún er hárbeittur þjóðfélagsgagnrýnandi, var eitt sinn líkt við Jonathan Swift í New York Times. Ehrenreich hefur meðal annar lagt a sig að vinna mestu láglaunastörf í bandarísku þjóðfélagi til að kanna algjört réttleysi þess fólks sem kallast the working poor. Um þetta skrifaði hún fræga bók, Nickel and Dimed.
Önnur bók Ehrenreich, Bait and Swich, jallar um millistéttina bandarísku og óöryggi sem hún býr við. Í það skipti fór hún út á vinnumarkaðinn og leitaði sér að því sem kallast hvítflibbastarf. Í nýlegri bók skrifar hún svo um falska bjartsýni sem hefur einkennt hagkerfið í Bandaríkjunum – og náttúrlega víðar – þar sem gagnrýnin hugsun er ekki leyfð á vinnustöðum og getur jafnvel leitt til útskúfunar. Sú bók nefnist Bright Sided: How the relentless promotion of positive thinking has undermined America.
Stefán Snævarr skrifar um Barböru Ehrenreich í pistli hér á Eyjunni.
