RÚV er með frétt um Baugsfjölskylduna sem situr í mestu skuldasúpu Íslandssögunnar en á samt fjölmiðla og gæti jafnvel náð undirtökum í verslunarveldi sínu aftur.
Lesandi síðunnar sendi eftirfarandi línur um hvernig þetta góða fólk – og félagar þess – náði að sjúga fé út úr íslensku bönkunum – um leið má geta þess að það er fagnaðarefni að Deutsche Bank ætlar að beita sér fyrir rannsókn á Landsbankanum eins og líka kom fram um helgina, það er merkilegt hversu litlar upplýsingar berast þaðan. Þorvaldur Gylfason hefur margsinnis nefnt að líklegt sé að íslenskir bankastjórnendur verði sóttir til saka erlendis eða af erlendum fjármálastofnunum, ef íslensk dómsyfirvöld gera það ekki.
En lesendabréfið er svohljóðandi:
— — —
Samtals losuðu Baugsmenn/Fons um 1 milljarð punda úr islensku bönkunum síðasta árið. ef þú tekur 1998 lánið, Skeljungsfléttuna, Gaumslán, ISP lán, osvfrv…þá bætast við 300 milljón pund við þessi 700 milljon hér að neðan.
Þetta er alveg galið !
Fyrst kaupa þeir Iceland með skuldsettri yfirtöku í gegnum islensku bankana!
Svo skuldsetja þeir Iceland keðjuna í gegnum íslensku bankana, sbr. árið 2007, fyrir um 290 milljón pund og borga sér – þökk sé íslensku bönkunum – 290 milljón punda arð!
Svo selja þeir Iceland hlutinn til baka inn í islensku bankana á uppsprengdu verði og losa þar gríðarlegan hagnað sem þeir svo nota til að greiða aðrar skuldir!
Og þeir taka svo „kauprétt“ á að kaupa hlutabréfin í Iceland tilbaka af íslensku bönkunum og veðsetja þann kauprétt fyrir MEIRI LÁNUM !!!
