Þegar ég var í fríi síðasta sumar spurðu menn hvað gengi að mér, ég væri í burtu meðan stærsta frétt Íslands væri í gangi.

Og ég væri að missa af  þessu.

Þeir áttu við Icesave.

Ég kom úr fríinu, er búinn að vera með þátt vikulega síðan í byrjun september, og ennþá er ekki búið að leysa Icesave.

Eftir þjóðaratkvæðagreiðsluna er samt eins og dálítill vindur sé úr málinu.

Og núna í vikunni hefur mér í fyrsta sinn í langan tíma fundist fréttir vera dálítið gúrkulegar.

En svo kom eldgos og bjargaði því snarlega.

Sumir segja reyndar að þetta sé smjörklípugos, hannað til að beina athyglinni frá hinum raunverulegu vandamálum þjóðarinnar.

Eins og til dæmis Icesave.