Nú síðasta daginn fyrir þjóðaratkvæðagreiðsluna um Icesave er hún farin að taka á sig nokkuð flokkspólitíska mynd.

Það er haldinn peppfundur í Valhöll þar sem sjálfstæðisfólk er hvatt til að fara á kjörstað og segja nei. Víða á netinu má sjá að sjálfstæðismenn eru af miklum ákafa að segja sínu fólki til að mæta.

En Jóhanna segist ætla að sitja heima og ekki kjósa. Það eru nokkuð sterk skilaboð til þeirra sem styðja Samfylkinguna – og ríkisstjórnina. En kannski ekki sérlega pólitískt klókt.

Í raun er semsagt tekist á um þátttökuna, verður hún góð, sæmileg eða léleg?

Svo er spurningin sem mun blasa við okkur á sunnudaginn: Hvaða áhrif hefur kosningin á líf ríkisstjórnarinnar? Eru andstæðingar hennar kannski að vona að þetta verði banabiti hennar?

Þarf hún ekki að dúkka upp með samning sem getur talist viðunnandi strax eftir helgi?