Kristinn Pétursson, fyrrverandi alþingismaður Sjálfstæðisflokksins, skrifar á vef sinn um framgöngu stjórnar Samtaka atvinnulífsins:

„Í dag hefur verið furðulegt að fylgjast með fréttum af kjarasamningum – og hvernig reynt er að þvinga fram hrossakaup  við ríkisstjórn um óbreytt kvótakerfi – af aðilum vinnumarkaðarins – með  hótunum – nánast í beinni útsendingu.

Þar sem stjórnarskrá Íslenska lýðveldisins er nú til umræðu – þá er þessi uppákoma ágætt dæmi um  það, hversu langt við erum komin frá grundvallarreglum siðaðs samfélags.   Á LÍÚ að stjórna bæði ríkisstjórn og Alþingi með frekju og yfirgangi? Hvar stendur það í stjórnarskránni?

Af hverju halda menn svo að bankakerfið hafi hrunið – og þjóðin næstum orðið gjaldþrota nema  vegna svona  sambærilegs siðleysis og virðingarleysis fyrir grundvallarreglum siðaðs samfélags.

Samtökum atvinnulífsins (SA) – finnst  nú boðlegt  að setja fram ósiðlega og ósvífna kröfu á framkvæmdavaldið – að  ráðherrar ríkisstjórnar Íslands – ábyrgist með skriflegri yfirlýsingu – inn á borð aðila vinnumarkaðarins – hvernig Alþingismenn löggjafarvaldsins muni greiða atkvæði í  væntanlegu frumvarpi um fiskveiðistjórn – og hvað eigi að standa í lögum – sem löggjafanum er ætlað að semja.

Sem sagt –  krafa um hrossakaup frá SA – nánast í beinni útsendingu.“