Ég gef mér að nei-ið verði ofan á í þjóðaratkvæðagreiðslunni í dag – eins og ég hef margoft sagt.

Spurning hvort útkoman verður 53-47, 55-45,  57-43 eða jafnvel 60-40?

Það verða ýmsar pólitískar spurningar sem kalla á svör eftir þetta:

Ætlar ríkisstjórnin að sitja áfram?

Ætlar Steingrímur J. að sitja áfram? Eða Jóhanna?

Hver er staða Bjarna Ben sem tekur stærstu pólitísku ákvörðun á ferli sínum og tapar fyrir fyrrverandi formanni flokksins?

Fokkar þetta upp aðildarumsókninni að ESB?

Hvað með Icesavemálið sjálft – sem hefur nú eitrað þjóðlífið í hátt í þrjú ár – og alla neikvæðu orkuna sem það hefur leyst úr læðingi? Hvað getum við lært af þessu?

Og forseti Íslands – er hann með pálmann í hendinni eftir þetta eða er þetta eins og lýst er í skopmynd eftir Gunnar Karlsson sem birtist í Fréttablaðinu í dag?