Maður er alltaf að bíða eftir því að umræðan fyrir Icesave atkvæðagreiðsluna fari úr böndunum, leiðist út í algjört rugl.

Það gæti verið að gerast.

Annars vegar með hákárlsauglýsingunni sem hefur birst í blöðum og virkar alveg öfugt á mann. Hún er frá já-hópnum – en gæti alveg eins verið frá hinum.

Önnur auglýsing sem sumir segja að hafi öfug áhrif er af tuttugu fyrrverandi ráðherrum sem ætla að segja já. Hún er þó líklega aðallega beint að kjósendum innan Sjálfstæðsflokks og Framsóknarflokks, og gæti virkað þar.

Svo er það eftirfarandi auglýsing sem er ku vera farin að hljóma í útvarpinu:

„Samkvæmt annálaskrifum voru íslensk börn seld í ánauð til námuvinnu á Bretlandseyjum á fimmtándu öld. Það er engin ástæða til að endurtaka áþekka framkomu vegna börnum framtíðar. Þessvegna segi ég nei við Icesave.“