Hólmbert Aron Friðjónsson, Aron Elís Þrándarson og Adam Örn Arnarsson voru í byrjunarliði Álasunds í dag.
Liðið tók á móti Floroe í næst efstu deild Noregs en um var að ræða þriðju umferð.
Álasund vann 4-0 sigur á Floroe en Hólmbert Aron skoraði fyrsta mark leiksins og sitt fyrsta mark í Noregi.
Hann bætti svo við öðru marki þegar hann kom Álasund í 3-0 en Adam Örn lagði markið upp.
Daníel Leó Grétarsson var ekki á meðal leikmanna Álasunds í dag.