Ferðamenn leita frekar til Noregs, Lapplands og Skotlands en til Íslands. Þetta segir Ásberg Jóns­son eig­andi ferðaskrif­stof­unn­ar Nordic Visitor, telur hann að stigvaxandi gengi krónunnar geri landið of dýrt og því leiti ferðamenn annað.

Enn sé þó ekki hægt að tala um samdrátt en ferðamenn séu farnir að kaupa styttri ferðir:

Ísland er orðið of dýrt. Við selj­um mikið til Banda­ríkja­manna og sá markaður er enn sterk­ur en ég ótt­ast að sam­drátt­ur verði í kom­um Breta, Þjóðverja og Frakka,

segir Ásberg í samtali við Morgunblaðið í dag. Um helgina greindi RÚV frá því að pakkaferðir þýskra ferðamanna til landsins næsta vor, fyrir þrjú til fjögur hundruð milljónir króna, hafa verið afbókaðar hjá íslenskum ferðaheildsala. Sagði Geir Gígja, sölu- og markaðsstjóri fyrir Hótel Klett og Hótel Örk, að verðið sé orðið þannig að aðilar erlendis reyni ekki einu sinni að selja ferðirnar því hann telji ekki taka því að reyna. Ásberg  segir að Ísland sé að verðleggja sig af markaði:

Þegar verðið hækk­ar 20-30% milli ára er stór hóp­ur sem fer frek­ar til Nor­egs eða Skot­lands. Við erum far­in að verðleggja okk­ur út af markaði.