Miðvikudaginn 5. apríl var ársreikningur Snæfellsbæjar 2016 afgreiddur í bæjarráði til fyrri umræðu í bæjarstjórn. Bæjarblaðið Jökull sem gefið er út af myndarbrag í Snæfellsbæ greinir frá helstu tölum.
Starfsemi Snæfellsbæjar er skipt upp í tvo hluta, A-hluta annars vegar og B-hluta hins vegar.
Til A-hluta telst starfsemi sem að hluta eða öllu leyti er fjármögnuð með skatttekjum. Í B-hluta eru fyrirtæki sem eru í eigu sveitarfélagsins og eru rekin sem fjárhagslega sjálfstæðar einingar.
Velgengni í rekstri
Rekstur Snæfellsbæjar gekk vel á árinu. Rekstrarniðurstaðan var töluvert betri en áætlun gerði ráð fyrir, eða um 217,9 milljónir króna fyrir samantekinn rekstrarreikning A- og B-hluta. Fjárhagsáætlun hafði gert ráð fyrir fyrir jákvæðri afkomu upp á 44,2 milljónir. Rekstrarafkoman varð þannig margfalt betri en áætlun gerði ráð fyrir, eða sem nemur 173,7 milljónum króna.
Rekstrarniðurstaða A-hluta var jákvæð um 149,6 millónir. Fjárhagsáætlun hafði gert ráð fyrir jákvæðri afkomu upp á eina milljón króna. Eigið fé sveitarfélagsins í árslok nam 2.970 milljónir. Þar af var eigið fé A-hluta 2.334,8 milljónir.
Laun og launatengd gjöld sveitarfélagsins voru um 1.093 milljónir. Í árslok voru 136 stöðugildi hjá sveitarfélaginu.
Eignastaða styrkt og skuldir lækkaðar
Heildareignir bæjarsjóðs töldust um 3.542 milljónir króna. Heildareignir sveitarfélagsins í samanteknum ársreikningi voru um 4.620 milljónir í lok 2016. Heildarskuldir bæjarsjóðs voru um 1.207 milljónir. Í samanteknum ársreikningi voru þær 1.649 milljónir og lækkuðu þar með milli ára um 84 milljónir.
Eigið fé bæjarsjóðs var 2.334,8 milljónir og eigið fé í samanteknum reikningsskilum nam 2.970 millj. króna í árslok 2015. Eiginfjárhlutfall var 65,92 prósent á á árinu 2015 en var 63,03% árið áður.
Snæfellsbær fjárfesti á árinu fyrir 198,5 milljónir í varanlegum rekstrarfjármunum og tók engin ný lán á árinu 2016. Greidd voru niður lán að fjárhæð 157,8 milljónir.
Hlutfall reglulegra tekna af heildarskuldum og skuldbindingum er 61,64% hjá sjóðum A-hluta, en var 74,37% árið 2015 og 64,48% í samanteknum árs reikningi en var 76,80% árið 2015. Skv. 64. gr. 2. málsgr. sveitarstjórnarlaga á þetta hlutfall ekki að vera hærra en 150%. Fjárhagsstaða Snæfellsbæjar verður því að teljast afar góð. Síðari umræða um ársreikning fór fram fimmtudaginn 4. maí.
Birtist í landshlutafréttablaðinu Vesturlandi:
