Eva H. Baldursdóttir varaborgarfulltrúi Samfylkingarinnar segir það vera til umræðu innan Samfylkingarinnar – jafnaðarmannaflokk Íslands um að breyta nafni flokksins. Tillkynnti Eva þetta á Fésbókarsíðu sinni nú í morgun og bað hún fólk um að segja sitt álit.

Í kjölfarið komu upp hugmyndir um að breyta nafninu úr Samfylkingin – Jafnaðarmannaflokkur Íslands í Jafnaðarmannaflokkinn. Mjög skiptar skoðanir eru á málinu, bent er á að nýtt nafn krefjist mikillar vinnu en aðrir segja það löngu vera kominn tími til að breyta nafninu.

Eva segir það of þjóðernislegt að hafa orðið „Ísland“ í nafni flokksins:

Það er rétt að það er talsvert sterkari skírskotun í pólitíkina með Jafnaðarmenn. Eða Jafnaðarmannaflokkurinn. Persónulega er ég hrifin af Frjálslyndum jafnaðarmönnum af augljósum ástæðum,

segir Eva. Inga Auðbjörg Straumland varamaður Samfylkinginarinnar í Stjórnkerfis- og lýðræðisráði Reykjavíkurborgar segir að hún vilji frekara geyma það fyrir nafn á flokki sem myndi sameina frjálslynda jafnaðarmenn:

…ég vil geyma það nafn fyrir flokk sem samanstæði sannarlega af Frjálslyndum jafnaðarmönnum, væri ekki með allt of stóra, úrelta flokksskrá og sameinaði gott fólk frá pírötum, BF og samfó. Ekki nota það til að ríbranda Samfylkinguna.