Jurgen Klopp, stjóri Liverpool hefur áhyggjur af Emre Can, miðjumanni liðsins.
Samningur hans við enska félagið rennur út í sumar og því getur hann farið frítt frá félaginu en hann hefur verið sterklega orðaður við Juventus.
Can hefur ekki viljað skrifa undir nýjan samning við Liverpool og Jurgen Klopp er orðinn áhyggjufullur.
„Hann verður hérna áfram og fer ekki í janúar. Hann er ungur strákur en hann er orðinn frábær leikmaður og mjög mikilvægur fyrir okkur,“ sagði Klopp.
„Stundum vilja leikmenn bara klára samningana sína og sjá hvað verður. Það er ekki gott fyrir félagið en á ákveðnum tímapunkti þar maður að sætta sig við það.“
„Á meðan hann hagar sér eins og hann gerir þá get ég ekki kvartað. Hann gefur sig allan í verkefnið og ég get ekki beðið um meira,“ sagði Klopp að lokum.
