Toby Alderweireld, varnarmaður Tottenham gæti verið klár gegn Arsenal en það eru enskir fjölmiðlar sem greina frá þessu.
Hann er af mörgum talinn einn albesti varnarmaðurinn í ensku úrvalsdeildinni en Tottenham hefur saknað hans mikið.
Hann meiddist aftan í læri í sigri Tottenham á Real Madrid í Meistaradeildinni í nóvember á síðasta ári.
Alderweireld er byrjaður að hlaupa og gæti snúið aftur til æfinga með aðalliðinu í næstu viku.
Tottenham tekur á móti Arsenal þann 10. febrúar næstkomandi og gæti Alderweireld verið klár í slaginn þá.
