Það er ekki oft sem lið í ensku úrvalsdeildinni er ekki með neinn leikmann á sjúkralistanum.
Þannig er þó staðan hjá Liverpool þessa stundina en allir leikmenn eru heilir.
Lítið álag hefur verið á Liverpool síðustu vikur enda liðið úr leik í bikarnum.
Leikmenn hafa því fengið góða hvíld og eru allir leikmenn klárir gegn Newcastle um helgina.
Gini Wijnaldum, Danny Ings og Ben Woodburn misstu allir af síðasta leik gegn West Ham en eru klárir.
Nathaniel Clyne sem hefur ekkert spilað á tímabilinu hefur spilað með varaliðinu og er klár í slaginn.
