Thibaut Courtois markvörður Chelsea skilur ekki af hverju Antonio Conte ákvað að taka Eden Hazard af velli gegn Manchester United um helgina.

Það voru margir hissa þegar Conte ákvað að kippa Hazard af velli þegar Chelsea var 2-1.

Hazard er besti leikmaður Chelsea en var ekki í stuði í leiknum.

,,Ég hef ekki neina útskýringu á skiptingunni á Hazard,“ sagði Courtois.

,,Ég átti ekki von á því að hann yrði tekinn af velli, þetta var ákvörðun Conte. Hann verður að útskýra þetta, ég get ekki séð inn í hausinn hans.“

,,Leikmaður eins og Eden á að vera á vellinum í 90 mínútur, hann getur alltaf gert eitthvað.“